திருச்சி: நீதிமன்ற ஊழியர் மாத்திரை சாப்பிட்டு தற்கொலை
திருச்சி திருவானைக்காவல் சிவராம் நகர் பகுதியைச் சேர்ந்தவர்சிவகுமார் (வயது 39). இவர் சென்னையில் உள்ள நீதிமன்றத்தில் மூத்த அமீனாவாக பணியாற்றி வந்தார் கடந்த 9 ஆண்டுகளுக்கு முன்பு அம்சவல்லி என்பவரை காதலித்து திருமணம் செய்தார். இந்த தம்பதிகளுக்கு ஒரு மகன், ஒரு மகள் உள்ளனர். இந்த நிலையில் கருத்து வேறுபாடு காரணமாக அவரது மனைவி இரண்டு ஆண்டுகளுக்கு முன்பு விவாகரத்து பெற்று சென்று விட்டார். அதன் பின்னர் தனியாக வசித்து வந்த சிவக்குமாருக்கு உடல் நலம் பாதிப்பு ஏற்பட்டது. உயர்ரத்த அழுத்தம் மற்றும் சர்க்கரை வியாதியால் அவதிப்பட்டு வந்தார். கடந்த சில தினங்களுக்கு முன்பு விடு முறையில் ஊர் திரும்பினார். பின்னர் வாழ்க்கையில் விரக்தி அடைந்த சிவகுமார் 60 ரத்த அழுத்த மாத்திரைகளை ஒரே நேரத்தில் உட்கொண்டு மயங்கி விழுந்தார். அக்கம் பக்கத்தினர் அவரை மீட்டு சத்திரம் பகுதியில் உள்ள ஒரு தனியார் மருத்துவமனையில் சேர்த்ததனர் அங்கு டாக்டர்கள் தீவிர சிகிச்சை அளித்தனர். இருந்த போதிலும் சிவக்குமார் நேற்று பரிதாபமாக உயிரிழந்தார். இது குறித்து அவரது தந்தை மோகன் விஜயகுமார் திருவரங்கம் போலீசில் புகார் செய்தார். அதன் பேரில் சப் இன்ஸ்பெக்டர் ராஜகோபால் வழக்கு பதிவு செய்து விசாரணை நடத்தி வருகிறார்.
