தொட்டியம் அருகே பகவதி அம்மன் கோவில் கும்பாபிஷேகம் வீடியோ

திருச்சி மாவட்டம், தொட்டியம் அருகே காட்டுப்புத்தூர் கணபதி பாளையத்தில் விநாயகர், பகவதி அம்மன் கோயில் திருப்பணிகள் நடைபெற்று வந்த நிலையில் திருப் பணிகள் நிறைவுபெற்றது. அதனை தொடர்ந்து கும்பாபிஷேக விழா ஏற்பாடுகள் நடைபெற்றது. விழாவை முன்னிட்டுபுனித நீர் எடுத்து வருதல், வாஸ்து சாந்தி, யாக சாலை பிரவேசம், நாடி சந்தானம், கலச பூஜை, கணபதி ஹோமம், யாகவேள்வி, நவகிரக யாகம், பூரணாஹீதி,
அங்குரார்பணம், வேதபாராயணம், யாக வேள்வி உள்ளிட்ட பல்வேறு சிறப்பு பூஜைகள் நடைபெற்றது. அதனைத் தொடர்ந்து யாகசாலையில் வைத்து பூஜை செய்யப்பட்ட புனிதநீர் கோயில் கோபுர கலசத்திற்கு ஊற்றி சிவாச்சாரியார்கள் கும்பாபிஷேம் செய்து வைத்தனர். பின்னர் ஸ்ரீவிநாயகர், ஸ்ரீ பகவதி அம்மன் மற்றும் பரிவார தெய்வங்களுக்கு சிறப்பு அபிஷேகம், தீபாராதனை நடைபெற்றது. விழாவில் பக்தர்கள் திரளாக கலந்து கொண்டு வழிபட்டனர். பக்தர்களுக்கு அருட் பிரசாதம் வழங்கப்பட்டது.