திமுக விவசாய அணி ஆலோசனைக் கூட்டம்: அமைச்சர் பங்கேற்பு
தூத்துக்குடியில் திமுக விவசாய அணி ஆலோசனைக் கூட்டத்தில் வடக்கு மாவட்ட செயலாளர், அமைச்சர் கீதாஜீவன் கலந்து கொண்டு சிறப்புரையாற்றினார். தூத்துக்குடி கலைஞர் அரங்கில் வடக்கு மாவட்ட மற்றும் மாநகர திமுக விவசாய அணி ஆலோசனைக் கூட்டம் நேற்று (செப்.,26) நடைபெற்றது. இதில், சமூகநலன் மற்றும் மகளிர் உரிமைத்துறை அமைச்சரும் - மாவட்டச் செயலாளருமான கீதாஜீவன் ஆலோசனைகள் வழங்கி சிறப்புரையாற்றினார். இக்கூட்டத்தில் விளாத்திகுளம் சட்டமன்ற உறுப்பினர் மார்கண்டேயன், மாநில விவசாய அணி இணைச் செயலாளர் திருப்பரங்குன்றம் முன்னாள் சட்டமன்ற உறுப்பினர் முத்துராமலிங்கம், மாநகர செயலாளர் ஆனந்தசேகரன், கோவில்பட்டி நகரமன்ற தலைவர் கருணாநிதி, மத்திய ஒன்றிய செயலாளர் பீக்கிலிபட்டி முருகேசன், மேற்கு ஒன்றிய செயலாளர் ராதாகிருஷ்ணன், கயத்தார் கிழக்கு ஒன்றிய செயலாளர் சின்ன பாண்டியன், மேற்கு ஒன்றிய செயலாளர் சுப்பிரமணி, மத்திய ஒன்றிய செயலாளர் கருப்பசாமி உள்பட பலர் கலந்து கொண்டனர்.
