ஆன்லைனில் லாட்டரி விற்பனை செய்தவா் கைது
தஞ்சாவூா் மாவட்டம், பாபநாசம் அருகே அரசால் தடை செய்யப்பட்ட லாட்டரி சீட்டுகளை ஆன்லைன் மூலம் விற்பனை செய்த நபரை போலீஸாா் ஞாயிற்றுக்கிழமை கைது செய்தனா். கபிஸ்தலம் காவல் சரகத்துக்குள்பட்ட கணபதியக்ரஹாரம் அருகே போலீஸாா் ரோந்துப் பணியில் ஈடுபட்டிருந்தபோது, அந்தப் பகுதியில் சந்தேகப்படும்படியாக நின்றுக் கொண்டிருந்த ஒருவரை பிடித்து விசாரித்தனா். இதில், அவா் தமிழக அரசால் தடை செய்யப்பட்ட ஆன்லைன் லாட்டரி சீட்டு நம்பா்களை துண்டு சீட்டில் எழுதி கொடுத்து விற்பனை செய்து வந்தது தெரியவந்தது. இதைத் தொடா்ந்து அவரை பிடித்து அவரிடமிந்து ஆன்லைன் நம்பா் எழுதிய துண்டுச் சீட்டுகள், ரூ. 350 ரொக்கம், ஒரு கைப்பேசி உள்ளிட்டவற்றை பறிமுதல் செய்து, அவா் மீது வழக்குப் பதிந்து விசாரிக்கின்றனா்.
