தேவகோட்டை: புகையிலை இல்லா இளைய தலைமுறை
சிவகங்கை மாவட்டம் தேவகோட்டை தனியார் கல்லூரி, திருவேகம்புத்தூர் ஆரம்ப சுகாதார நிலையம், தேவகோட்டை தனியார் கல்வி அறக்கட்டளை, தனியார் பைக் ஷோரும் நிர்வாகிகள் ஆகியோ இணைந்து புகையிலை இல்லா இளைய தலைமுறையை உருவாக்குவோம் என்ற தலைப்பில் விழிப்புணர்வு மாரத்தான் போட்டி நடத்தினர். இதில் கல்லூரியின் செயலர் அருட்தந்தை முனைவர் செபாஸ்டியன், முதல்வர் அருட்தந்தை முனைவர் ஜான் வசந்தகுமார் ஆகியோர்கள் தலைமை வகித்தனர். டிஎஸ்பி பார்த்திபன் மாரத்தான் போட்டியைக் கொடியசைத்து தொடங்கிவைத்தார். முதல் மூன்று இடங்களைப் பெற்ற மாணவர்களுக்கும் மாணவிகளுக்கும் தேவகோடைடை சார் ஆட்சியர் ஆயுஷ் வெங்கட் வத்ஸ் பரிசு வழங்கி பாராட்டினார்கள். இந்நிகழ்விற்கான ஏற்பாட்டினை கல்லூரியின் உடற்கல்வி இயக்குநர் ஜெனோ ராஜி செய்திருந்தார்.
