புனித குழந்தை தெரசாள் ஆலய ஆண்டுப் பெருவிழா

சிவகங்கை மாவட்டம் காரைக்குடி செஞ்சை பகுதியில் அமைந்துள்ளது புனித தெரசாள் ஆலயம் பழமை வாய்ந்த இந்த ஆலயத்தின் திருவிழாவை முன்னிட்டு கொடியேற்ற நிகழ்ச்சி வெகு சிறப்பாக நடைபெற்றது. சிவகங்கை மறைமாவட்ட தலைமைச் செயலர் தந்தை அருள்பணி மரிய டெல்லசு தலைமையையேற்று கொடியேற்ற திருப்பலி நிகழ்த்தி மறையுறைச் சிந்தனை வழங்கினார். தொடந்து வரும் பதினொன்றாம் தேதி வரை வார நாட்களில் நவநாள் திருப்பலி மாலை 6 மணிக்கு நடைபெறும். 12 ம் தேதி சனிக்கிழமை மாலை அருள்பணி அந்தோணி பாக்கியம் பங்குத்தந்தை அவர்கள் தலைமையில் திருவிழா சிறப்பு திருப்பலியும் அதனை தொடந்து தேர்பவனியும் நடைபெறும். 13 ம் தேதி ஞாயிறு காலை முதல் திருவிருந்து மற்றும் திருவிழா நிறைவுத்திருப்பலியும் நடைபெறும். விழாவுக்கான ஏற்பாடுகளை பங்குத்தந்தை அருள்பணி. கிளமெண்ட் ராசா தலைமையில் பங்குப்பேரவை பங்கு இறைமக்கள் சிறப்பாக செய்திருந்தனர்.