சேலம் அருகே கஞ்சா விற்ற வாலிபர் கைது
சேலம் கொண்டலாம்பட்டி போலீசார் வேடுகாத்தான்பட்டி பகுதியில் ரோந்து சென்றனர். அங்குள்ள முனியப்பன் கோவில் அருகே சந்தேகப்படும் வகையில் மோட்டார் சைக்கிளுடன் ஒருவர் நின்று இருந்தார். அவரை பிடித்து போலீசார் விசாரணை நடத்தினர். அவர் பாறை வட்டத்தை சேர்ந்த பாஸ்கர் (வயது 26) என்பதும், கஞ்சா விற்பதும் தெரியவந்தது. இதையடுத்து அவரை போலீசார் கைது செய்தனர். அவரிடம் இருந்து கஞ்சா, மோட்டார் சைக்கிளை போலீசார் பறிமுதல் செய்தனர். மேலும் நீதிமன்றத்தில் ஆஜர் படுத்தி மத்திய சிறையில் அடைத்தனர்.
