சங்ககிரியில் சைக்கிள் திருட்டு சிசிடிவி காட்சிகள் வைரல்

சேலம் மாவட்டம் சங்ககிரி அருகே அடையாளம் தெரியாத மர்ம நபர் ஒருவர் வீட்டின் முன்பு நிறுத்தி வைக்கப்பட்டிருந்த பள்ளி மாணவனின் சைக்கிளை திருடி செல்லும் சிசிடிவி காட்சிகள் தற்போது சமூக வலைதளங்களில் வைரலாக பரவி பெரும் பரபரப்பை ஏற்படுத்தி வருகிறது.

சங்ககிரி குப்தாகாலனி பகுதியில் வசிப்பவர் முத்து இவர் தனியார் பேக்கரியில் கூலி தொழிலாளியாக பணிபுரிந்து வருகிறார்.

இவரது மகன் சித்தீஸ்வரர் அதே பகுதியில் உள்ள தனியார் பள்ளியில் 6ம் வகுப்பு பயின்று வருகிறார். இந்நிலையில் பள்ளி மாணவன் சித்தீஸ்வரர் நேற்று முன்தினம் பள்ளிக்கு சென்று விட்டு தனது சைக்கிளை வீட்டின் முன்பு நிறுத்தி வைத்திருந்தார். அப்போது அடையாளம் தெரியாத மர்மநபர் ஒருவர் பள்ளி மாணவனின் சைக்கிளை திருடி செல்லும் சிசிடிவி காட்சிகள் தற்போது சமூக வலைதளங்களில் வையலாக பரவி வருகிறது.

மேலும் இது குறித்து சங்ககிரி போலீசார் சிசிடி காட்சிகளை வைத்து சைக்கிள் திருட்டில் ஈடுபட்டு வரும் மர்ம நபர்களை தீவிரமாக தேடி வருகின்றனர்.
இச்சம்பவம் சங்ககிரி பகுதிகளில் பெரும் பரபரப்பை ஏற்படுத்தி வருகிறது.