பாரா ஒலிம்பிக்கில் பதக்கம்: மாரியப்பனுக்கு எம்எல்ஏ வாழ்த்து
சேலம் மாவட்டம் டேனிஷ்பேட்டை ஊராட்சி பெரிய வடகம் பட்டியை சேர்ந்த தடகள வீரர் மாரியப்பன். பிரான்ஸ் நாட்டில் நடந்த பாரா ஒலிம்பிக் போட்டியில் வெண்கல பதக்கம் வென்றார். அவர் நேற்று முன்தினம்(செப்.19) தனது சொந்த ஊருக்கு வந்தார். அவருக்கு மாவட்ட நிர்வாகம் சார்பில் உற்சாக வரவேற்பு அளிக்கப்பட்டது. இதற்கிடையே நேற்று சேலம் மேற்கு மாவட்ட பா.ம.க. சார்பில் மாவட்ட செயலாளர் சதாசிவம் எம்.எல்.ஏ. மற்றும் பா.ம.க.வினர் மாரியப்பனின் வீட்டிற்கு சென்று அவருக்கு சால்வை அணிவித்து வாழ்த்து தெரிவித்தனர். நிகழ்ச்சியில் பா.ம.க. மாவட்ட தலைவர் டாக்டர் மாணிக்கம், மாநில செயற்குழு உறுப்பினர் பாபு, மாவட்ட கவுன்சிலர் அண்ணாமலை, ஒன்றிய செயலாளர் வெங்கடேஷ், காடையாம்பட்டி நகர செயலாளர் ராஜேந்திரன், ஓமலூர் நகர செயலாளர் சாய் சுஜன் உள்பட பலர் கலந்து கொண்டனர்.
