சேலம் ரெயில்வே கோட்டம் முக்கிய அறிவிப்பு

பெங்களூரு கன்டோன்மென்ட் ரெயில் நிலையத்தில் ரெயில் நிலைய மேம்பாட்டு பணிகள் நடைபெற்று வருகின்றன. நாளை முதல் டிசம்பர் 20-ந் தேதி வரை 92 நாட்களுக்கு கீழ் கண்ட ரெயில்கள் பெங்களூரு கன்டோன்மெண்ட் ரெயில் நிலையத்தில் தற்காலிகமாக நின்று செல்லாது என்று அறிவிக்கப்பட்டுள்ளது.

அதன்படி கோவை எக்ஸ்பிரஸ் (11013). கோவை- லோக்மான்ய திலக் - கோவை எக்ஸ்பிரஸ் (11014), கடலூர் துறைமுகம் -மைசூர் எக்ஸ்பிரஸ் ரெயில் (16231), மைசூர் - கடலூர் துறைமுகம் எக்ஸ்பிரஸ் ரெயில் (16232), தூத்துக்குடி - மைசூர் எக்ஸ்பிரஸ் ரெயில் (16235), மைசூர் தூத்துக்குடி எக்ஸ்பிரஸ் ரெயில் (16236), கன்னியாகுமரி- பெங்களூரு எக்ஸ்பிரஸ் ரெயில் (16525), பெங்களூரு - கன்னியாகுமரி எக்ஸ்பிரஸ் ரெயில் (16526), மைசூர் - கொச்சுவேலி எக்ஸ்பிரஸ் ரெயில் (16315), கொச்சுவேலி - மைசூர் எக்ஸ்பிரஸ் (16316), பெங்களூரு - எர்ணாகுளம் எக்ஸ்பிரஸ் (12677), எர்ணாகுளம் - பெங்களூரு எக்ஸ்பிரஸ் (12678) ஆகிய ரெயில்கள் நின்று செல்லாது என சேலம் ரெயில்வே கோட்ட அலுவலகம் செய்தி குறிப்பில் தெரிவிக்கப்பட்டுள்ளது.