தரங்கம்பாடி: குளத்தில் மூழ்கி இளைஞா் உயிரிழப்பு
தரங்கம்பாடியை அடுத்த ஆக்கூர் காமராஜர் நகரைச் சேர்ந்தவர் பாஸ்கரன் மகன் மதன்ராஜ் (26). மயிலாடுதுறை அருகே ஆனந்தக்குடி கிராமத்தில் உள்ள தனது சகோதரி வீட்டுக்குச் சென்ற இவர், அங்குள்ள திருக்குளத்தில் குளித்துள்ளார். நீரில் மூழ்கி வெகு நேரமாகியும் அவர் வெளியில் வராததால் மயிலாடுதுறை தீயணைப்பு நிலையத்துக்கு தகவல் அளித்து அவர்கள் குளத்தில் இறங்கி தேடினர். அப்போது குளத்துக்குள் ஊறவைக்கப்பட்டிருந்த மூங்கில் மரங்களுக்கிடையில் சிக்கி மதன்ராஜ் உயிரிழந்தது தெரியவந்தது. இதுகுறித்து, மயிலாடுதுறை காவல் ஆய்வாளர் சிவக்குமார் மற்றும் போலீசார் வழக்குப்பதிவு செய்து விசாரணை மேற்கொண்டுள்ளனர்.
