பேருந்து மோதி பிளஸ் 2 மாணவா் உள்பட இருவா் உயிரிழப்பு

சீா்காழி அருகே தனியாா் பேருந்து மோதி இருசக்கர வாகனத்தில் சென்ற பிளஸ் 2 மாணவா் உள்பட இருவா் உயிரிழந்தனா்.

மயிலாடுதுறை மாவட்டம், சீா்காழி சிங்காரத் தோப்பு பகுதியைச் சோ்ந்த மணிசேகரன் மகன் மகேஷ் குமாா் (20), ஜோதி மகன் சதீஷ் குமாா் (20), பழனிசாமி என்பவரது மகன் சந்தோஷ் குமாா் (17). நண்பா்களான மூவரும் இருசக்கர வாகனம் ஒன்றில் திருமுல்லைவாசல் பகுதியிலிருந்து சீா்காழிக்கு வந்துகொண்டிருந்தனா்.

தேசிய நெடுஞ்சாலையில் விநாயககுடி பகுதி அருகே வந்தபோது, சாலை வளைவில் எதிரே வந்த தனியாா் பேருந்து, இருசக்கர வாகனம் மீது மோதியது. இதில், சதீஷ் குமாா், சந்தோஷ் குமாா் (17) ஆகிய இருவரும் நிகழ்விடத்திலேயே உயிரிழந்தனா். இருசக்கர வாகனத்தை ஓட்டி வந்த மகேஷ் குமாா் லேசான காயத்துடன் உயிா் தப்பினாா்.

தகவலறிந்த புதுப்பட்டினம் போலீஸாா், விரைந்து சென்று, உயிரிழந்த இருவரது சடலத்தையும் கைப்பற்றி, உடற்கூறாய்வுக்காக சீா்காழி அரசு மருத்துவமனைக்கு அனுப்பி வைத்தனா். மேலும், வழக்குப் பதிவு செய்து, தப்பியோடிய பேருந்து ஓட்டுநரை தேடி வருகின்றனா்.

விபத்தில் இறந்த இருவரில், சதீஷ் குமாா் கொள்ளிடம் அருகே புத்தூரில் உள்ள அரசு தொழில்நுட்பக் கல்லூரியில் டிப்ளமோ முடித்துள்ளாா். சந்தோஷ் குமாா் சீா்காழியில் உள்ள அரசு உதவிப் பெறும் பள்ளியில் பன்னிரெண்டாம் வகுப்பு படித்து வந்தாா் என்பது குறிப்பிடத்தக்கது.