மதுரை: சாலை விபத்தில் பீகார் மாநில பெண் பலி
மதுரை மாவட்டம் மேலூர் அருகே வெள்ளரிபட்டியில் உள்ள மலை நகரில் பீகார் மாநிலம் வைஷாலி மாவட்டத்தைச் சேர்ந்த ராகேஷ் குமார் என்பவர் தனது மனைவி பூஜா தேவி மற்றும் மகன் அங்குஸ் ஆகியோருடன் வசித்து வருகிறார். இவர் கடந்த ஓராண்டாக டிவிஎஸ் சக்ராவில் வேலை பார்த்து வருகிறார். நேற்று (அக். 23) இரவு 9 மணி அளவில் பூஜா தேவியும் (33)அவரது மகன் அங்குசும்(10) வெள்ளரிப்பட்டிக்கு வந்துவிட்டு மலைநகரில் உள்ள தங்கள் வீட்டிற்கு செல்வதற்காக பேருந்து நிறுத்தத்திற்கு 100 மீட்டர் முன்பாக திருச்சி மதுரை நான்கு வழிச்சாலையை கடக்க முற்பட்ட பொழுது சென்னையில் இருந்து திருச்செந்தூர் செல்வதற்காக அதிவேகமாக காரை ஓட்டி வந்த சென்னை கேகே நகர் பாரதிதாசன் காலனி சேர்ந்த கல்யாணம் (64) என்பவர் இவர்கள் மீது மோதியதில் சம்பவ இடத்திலேயே பூஜா தேவி உயிரிழந்தார். இவரது மகன் அங்குஸ் பலத்த காயங்களுடன் 108 ஆம்புலன்ஸ் மூலம் மதுரை ராஜாஜி மருத்துவமனைக்கு அனுப்பி வைக்கப்பட்டார். இந்த விபத்து தொடர்பாக மேலூர் காவல் நிலையம் போலீசார் வழக்கு பதிவு செய்து விசாரணை நடத்தி வருகிறார்கள்.
