வாகனம் மோதி தனியார் நிறுவன ஊழியர் உயிரிழப்பு
கிருஷ்ணகிரி மவட்டம், ஓசூர் பேடரப்பள்ளி பகுதியை சேர்ந்தவர் ஆறுமுகம் (56) தனியார் நிறுவன ஊழியர். இவர் ஓசூர் அருகே ஏ.டி.சி நிறுவனம் அருகே நேற்று முன்தினம் நடந்து சென்றார். அப்போது அந்த வழியாக வந்த அடையாளம் தெரியாத வாகனம் அவர் மீது மோதியது. இதில் படுகாயமடைந்த ஆறுமுகத்தை அருகில் இருந்தவர்கள் மீட்டு சிகிச்சைக்காக ஓசூர் அரசு மருத்துவமனைக்கு கொண்டு சென்ற போது வழியிலேயே அவர் உயிரிழந்தார். இதுகுறித்து சிப்காட் போலீசார் விசாரணை மேற்கொண்டு வருகிறார்கள்.
