ஓசூர் - Hosur

தென்பெண்ணை ஆற்று நீர் பிடிப்பு பகுதிகளில் பெய்த மழை காரணமாக மூன்று மாதங்களுக்கு பிறகு கிருஷ்ணகிரி கே. ஆர். பி. அணைக்கு நீர் வரத்து தொடங்கியது. அணைக்கு நீர் வரத்து 1126 கன அடியாக உயர்வு கர்நாடக மாநிலம் மற்றும் தென்பெண்ணை ஆற்று நீர் பிடிப்பு பகுதிகளில் பெய்த மழை காரணமாக கிருஷ்ணகிரி மாவட்டம் ஓசூர் கெலவரப்பள்ளி அணைக்கு நீர் வரத்து அதிகரித்தது. ஓசூர் கெலவரப்பள்ளி அணையின் மதகுகள் பழுதை சரி செய்யப்பட்டு வருவதால் கெலவரப்பள்ளி அணைக்கு வரக்கூடிய நீர் அப்படியே தென்பெண்ணை ஆற்றில் திறந்துள்ளது விடப்பட்டுள்ளது. மேலும் தென்பெண்ணை ஆற்று படுக்கைகளில் பெய்து வரும் மழை காரணமாக கிருஷ்ணகிரி கே. ஆர். பி. அணைக்கு நீர் வரத்து மூன்று மாதங்களுக்கு பிறகு தொடங்கி உள்ளது. கடும் வறட்சி காரணமாக கே. ஆர். பி. அணையின் நீர் மட்டம் 52 அடியில் இருந்து 38 அடிக்கு குறைந்த நிலையில் தற்போது அணைக்கு நீர் வரத்து 1126 கன அடியாக உயர்ந்துள்ளதால் அணையின் நீர் மட்டம் 38 அடியில் இருந்து 40. 20 அடியாக உயர்ந்துள்ளது. தற்போதைய நிலவரப்படி அணையின் முழு கொள்ளளவு 52 அடியில் அணைக்கு நீர் வரத்து 1126 கன அடியாகவும், நீர் வெளியேற்றம் 12 கன அடியும், அணையின் நீர் மட்டம் 40. 20 கன அடியாக உள்ளது.