கோலாகலமாக நடைபெற்ற ஸ்ரீனிவாச திருக்கல்யாணம்

ஓசூர் அருகே ஒன்னல்வாடி கிராமத்தில், அமைந்துள்ள ஸ்ரீ சீதாராம சமேத அனுமந்தராய சுவாமி திருக்கோவிலில், நான்காவது ஆண்டு சாதூர்மாஸ்ய மகோத்சவம் நடைபெற்றது. இதையொட்டி திருக்கோவிலில் உற்சவ மூர்த்தியான ஸ்ரீ ஸ்ரீனிவாச பெருமாளுக்கு திருக்கல்யாண வைபவம் வெகு விமர்சியாக நடைபெற்றது.

ஸ்ரீ மத்வ சித்தாந்த சேவா டிரஸ்ட் என்னும் அறக்கட்டளையில் சார்பில் நடைபெற்ற இந்த மகோத்சவத்தில், அலங்கரிக்கப்பட்ட ஸ்ரீனிவாச பெருமாள் தாயார் உற்சவ மூர்த்தி களுக்கு பக்தர்கள் ஸ்ரீ வைணவ சம்பிரதாயபடி பஜனைகள் மற்றும் நலங்கு ஆகியன செய்தனர். பின்னர் சுவாமிக்கு முறைப்படி திருமாங்கல்ய தரண நிகழ்ச்சி நடைபெற்றது சுவாமி சீனிவாச பெருமாள் அப்போது திருமாங்கல்யத்தை தாயாருக்கு அணிவித்து திருக்கல்யாணத்தை நிறைவேற்றினார்.

இதில் ஓசூர் மற்றும் பெங்களூர் பகுதிகளை சேர்ந்த ஏராளமான பக்தர்கள் கலந்து கொண்டு ஸ்வாமி தரிசனம் செய்து வழிபட்டனர்.