போச்சம்பள்ளி: திப்பனூர் ஏரியில் விடப்பட்ட மீன் குஞ்சுகள்
கிருஷ்ணகிரி மாவட்டத்தில் உள்ள ஏரிகளில் மீன்குஞ்சுகள் இருப்பு செய்தல் திட்டம் நடைமுறைபடுத்தப்பட்டு வருகிறது. அந்த வகையில் பர்கூர் தொகுதிக்கு உட்பட்ட 14 ஏரிகளில் 3 லட்சத்து 82 ஆயிரம் மீன்கள் விடப்பட்டது. போச்சம்பள்ளி அருகே உள்ள புளியம்பட்டி ஊராட்சிக்கு உட்பட்ட திப்பனூர் மற்றும் கெங்கிநாயக்கன்பட்டி ஏரிகளில் நேற்று(அக்.17) மீன்வளம் மற்றும் மீனவர் நலத்துறை துணை இயக்குனர் சுப்பிரமணியன், ஊராட்சி மன்ற தலைவர் எஸ். ரங்கநாதன் ஆகியோர் மீன்குஞ்சுகளை விட்டனர். இதில் திரளானோர் கலந்துகொண்டனர்.
