குலசேகரம்: பள்ளி மாணவர்களுக்கு கஞ்சா விற்ற வாலிபர் கைது
குலசேகரம் போலீஸ் சப்-இன்ஸ்பெக்டர் கணேஷ்குமார் தலைமையிலான போலீசார் நேற்று ( 8-ம் தேதி) குலசேகரம் அருகே ஒரு அரசு பள்ளி பகுதியில் ரோந்து பணியில் ஈடுபட்டிருந்தனர். அப்போது ஒரு வாலிபர் பள்ளி மாணவர்களிடம் சந்தேகப்படும் வகையில் பேசிக்கொண்டு இருந்தார். உடனே அந்த வாலிபரை போலீசார் பிடித்து விசாரணை நடத்தினர். விசாரணையில் அவர் சங்கரன் விளைப்பகுதியை சேர்ந்த அர்ஜின் ராஜ் (29) என்பதும், பள்ளி மாணவர்களுக்கு கஞ்சா விற்றதும் தெரியவந்தது. இதையடுத்து அவரை கைது செய்த போலீசார் அவரிடம் இருந்து 110 கிராம் கஞ்சா பொட்டலம் மற்றும் எலக்ட்ரானிக் தராசு ஆகியவற்றை பறிமுதல் செய்தனர். மேலும் வழக்குப்பதிவு செய்து செய்து விசாரித்து வருகின்றனர்.
