இரணியல்: ரயில் மோதி இறந்த மூதாட்டி..!
குமரி மாவட்டம் இரணியல் - நாகர்கோவில் டவுன் ரயில் நிலையம் அருகே நேற்று காலை 80 வயது மதிக்கத்தக்க மூதாட்டி ஒருவர் ரயிலில் அடிபட்டு பிணமாக கிடந்தார். அவர் யார்? எந்த ஊரை சேர்ந்தவர்? என்று தெரியவில்லை. இதை அடுத்து ரயில்வே போலீசார் அவரது உடலை கைப்பற்றி பிரேத பரிசோதனைக்காக குமரி அரசு மருத்துவ கல்லூரி ஆஸ்பத்திரிக்கு அனுப்பி வைத்தனர். பிணமாக கிடந்தவர் யார்? என்பது குறித்து போலீசார் விசாரணை மேற்கொண்டனர். அப்போது பேயன் குழியை சேர்ந்த பிச்சைக்கண் என்பவர் மனைவி கொச்சம்மாள்(80) என்பது தெரிய வந்தது. அவர் அந்த ரயில்வே தண்டவாளம் பகுதியில் உள்ள அவரது நிலத்தை பார்ப்பதற்காக சென்ற போது ரயிலில் அடிபட்டு இழந்திருப்பது தெரிய வந்தது. இதை எடுத்து அவரது உடல் பிரேத பரிசோதனைக்கு பிறகு இன்று (அக்.,24) உறவினர்களிடம் ஒப்படைக்கப்பட்டது.
