குளச்சலில் காமராஜர் பிறந்த நாள் விழா
கன்னியாகுமரி மாவட்டம் குளச்சல் நகர காங். சார்பில் முன்னாள் முதல்வர் காமராஜர் பிறந்த நாள் விழா கொண்டாடப்பட்டது. நகர தலைவர் சந்திரசேகர் தலைமையில் பிரின்ஸ் எம். எல். ஏ. காமராஜ் உருவச்சிலைக்கு மாலையணிவித்து மரியாதை செலுத்தினார். மாநில செயற்குழு உறுப்பினர் யூசுப்கான், மாவட்ட துணைத்தலைவர் தர்மராஜ், மாநில வர்த்தக காங். பொதுச்செயலாளர் ஜாண்சுந்தர ராஜ் ஆகியோர் முன்னிலை வகித்தனர். மாவட்ட செயலாளர்கள் அந்திரியாஸ், ஜெயராஜ், பிராங்கிளின், பிரான்சிஸ், கிழக்கு மாவட்ட மீனவர் காங். தலைவர் ஸ்டார்வின், கவுன்சிலர் ரமேஷ், நகர பொருளாளர் ஷாபி உள்பட பலர் கலந்துகொண்டனர். அனைவருக்கும் இனிப்பு வழங்கப்பட்டது.
