புதுக்கடை: கட்டிடத்திலிருந்து விழுந்த தொழிலாளி உயிரிழப்பு
குமரி மாவட்டம் புதுக்கடையை அடுத்த கரும்பிலா விளை பகுதியை சேர்ந்தவர் கிறிஸ்துதாஸ் மகன் விஜின் ராஜ்(36). இவர் கொத்தனார் வேலை செய்கிறார். இவருக்கு ஸ்ரீவித்யா என்ற மனைவியும் இரண்டு பிள்ளைகளும் உள்ளனர். சம்பவ தினம் விஜின் ராஜ் மராயபுரம் பகுதியில் உள்ள செல்வராஜ் என்பவரது வீட்டில் சுமார் 20 அடி உயரத்துக்கு மேல் வேலை செய்து கொண்டிருந்தார். அப்போது எதிர்பாராத வகையில் அவர் தவறி கீழே விழுந்ததில் படுகாயமடைந்தார். உடனடியாக அவரை மீட்டு முதலில் மார்த்தாண்டம் பகுதியில் உள்ள ஒரு ஆஸ்பத்திரியில் சேர்த்தனர். பின்னர் நாகர்கோவிலிலும், அங்கிருந்து திருவனந்தபுரத்திலும் ஒரு ஆஸ்பத்திரியில் சேர்த்தனர். ஆனால் விஜின் ராஜ் சிகிச்சை பலனின்றி நேற்று (அக்.19) உயிரிழந்தார். இது தொடர்பாக அவரது மனைவி ஸ்ரீவித்யா அளித்த புகாரின் பேரில் புதுக்கடை போலீசார் வழக்குப் பதிவு செய்து விசாரித்து வருகின்றனர்.
