செல்போன் பழுது நீக்குவது குறித்து இலவச பயிற்சி
ஈரோடு கொல்லம்பாளையம் கரூர் சாலையில் உள்ள ஆஸ்ரம் பள்ளி வளாகத்தில் கனரா வங்கி கிராமப்புற சுய வேலை வாய்ப்பு பயிற்சி நிலையம் செயல்பட்டு வருகிறது. இங்கு செல்போன் பழுது நீக்குவது குறித்து இலவச பயிற்சி வழங்கப்பட உள்ளது. இந்த பயிற்சியானது வருகிற 30ம் தேதி முதல் துவங்கி நவம்பர் மாதம் 11ம் தேதி வரை நடைபெற உள்ளது. பயிற்சியின் போது சீருடை, உணவு இலவசமாக அளிக்கப்பட்டு, பயிற்சியின் முடிவில் சான்றிதழ் வழங்கப்படும். ஈரோடு மாவட்டத்தை சேர்ந்த 18 வயது முதல் 45 வயதுக்கு உட்பட்ட வறுமை கோட் டிற்கு கீழ் உள்ளவர்கள், 100 நாள் வேலை திட்டத்தில் இருப்போர், அவர்களது குடும்பத்தினர் பயிற்சியில் கலந்து கொள்ளலாம். மேலும், விவரங்களுக்கு 0424-2400338, 87783 23213, 72006 50604 ஆகிய தொலைபேசி எண்களில் தொடர்பு கொண்டு, முன்பதிவு செய்து பயன்பெறலாம்.
