தர்மபுரி: சாலை விபத்து; திமுக பிரமுகர் உயிரிழப்பு
பென்னாகரம் அருகே உள்ள ராஜாவூர் கிராமத்தை சேர்ந்தவர் சேகர். இவருக்கு வயது (61), தி.மு.க. பிரமுகர். இவரது மனைவி அமுதா. இவர்களுக்கு ஒரு மகனும், ஒரு மகளும் உள்ளனர். நேற்று மாலை சேகர் எட்டியாம்பட்டி பகுதியில் சாலையில் நடந்து சென்றார். அப்போது அந்த வழியாக வந்த இருசக்கர வாகனம் அவர் மீது மோதியது. இந்த விபத்தில் சேகர் படுகாயம் அடைந்தார். அக்கம் பக்கத்தினர் அவரை மீட்டு பென்னாகரம் அரசு மருத்துவமனையில் சேர்த்தனர். அங்கு மருத்துவர்கள் அவரை பரிசோதித்த போது சேகர் ஏற்கனவே இறந்து விட்டது தெரியவந்தது. பென்னாகரம் காவல் நிலையத்திற்கு தகவல் தெரிவிக்கப்பட்டது. காவலர்கள் விரைந்து சென்று சேகரின் உடலை கைப்பற்றி பிரேத பரிசோதனைக்காக அனுப்பி வைத்தனர். இந்த விபத்து குறித்து காவலர்கள் இன்று வழக்குப்பதிவு செய்து விசாரணை நடத்தி வருகின்றனர்.
