விருத்தாசலம் பகுதியில் பெண் உயிரிழப்பு
கடலூர் மாவட்டம் விருத்தாசலம் வட்டம் படுகலாநத்தம் பகுதியில் வசித்து வந்தவா் ஆதிமூலம் மனைவி ஆனந்தசெல்வி. இவருக்கு இரண்டு குழந்தைகள் உள்ளனா். தற்போது கா்ப்பமாக உள்ள ஆனந்தசெல்விக்கு கடந்த அக்டோபர் 5 ஆம் தேதி பிரசவ வலி ஏற்பட்டது. இதையடுத்து விருத்தாசலத்தில் உள்ள தனியாா் மருத்துவமனையில் அனுமதிக்கப்பட்ட அவருக்கு 8 ஆம் தேதி பெண் குழந்தை பிறந்தது. பின்னா் வலி அதிகமாக இருந்ததால் மருத்துவா்கள் ஊசி செலுத்தினர். இதில் அவருக்கு உடல்நலம் பாதிக்கப்பட்டதாக கூறப்படுகிறது. இதையடுத்து ஆனந்தசெல்வியை விழுப்புரம் அரசு மருத்துவக் கல்லூரி மருத்துவமனைக்கு கொண்டு சென்று பரிசோதித்ததில் அவா் உயிரிழந்தது தெரியவந்தது. இது குறித்த புகாரின்பேரில் விருத்தாசலம் காவல் துறையினர் வழக்குப் பதிவு செய்து விசாரணை நடத்தி வருகின்றனர்.
