கோவை: கஞ்சா விற்ற டிரைவர் உட்பட 4 பேர் கைது
கோவை துடியலூர் போலீசார் நேற்று ரோந்து சென்றனர். அப்போது சரவணம்பட்டி ரயில்வே கேட் அருகே சந்தேகம்படும் படி நின்றிருந்த வாலிபரை பிடித்து விசாரித்தனர். அதில், அவர் கஞ்சா விற்பனையில் ஈடுபட்டது துடியலூர் நஞ்சப்பா கவுண்டர் காலனியில் வசிக்கும் பவன் ஜெய் நரசிம்மன்(19), என்பது தெரியவந்தது. போலீசார் அவரை கைது செய்தனர். அவரிடம் இருந்து 110 கிராம் கஞ்சா பறிமுதல் செய்யப்பட்டது. கோவை செல்வபுரம் போலீசார் ரோந்து சென்றபோது, தெலுங்குபாளையம் ரவுண்டானா அருகே கஞ்சா விற்பனையில் ஈடுபட்ட செல்வபுரத்தை சேர்ந்த டிரைவர் அப்துல் சபீர்(23), செல்வபுரம் சேத்துமாவாய்க்காலை சேர்ந்த மனோஜ் குமார்(24), தெலுங்குபாளையம் அம்மன்நகரை சேர்ந்த பிரவீன்(32) ஆகிய 3 பேரை கைது செய்தனர். அவர்களிடம் இருந்து 150 கிராம் கஞ்சா பறிமுதல் செய்யப்பட்டது.
