டிப்பர் லாரியில் கிராவல் மண் கடத்தியவர் கைது
கோவை கலெக்டர் அலுவலக சிறப்பு வருவாய் ஆய்வாளர் விஜயகுமார் தலைமையிலான அதிகாரிகள் நேற்று(செப்.13) துடியலூர் - பன்னிமடை ரோட்டில் வாகன சோதனையில் ஈடுபட்டனர். அப்போது பழனிகவுண்டன் புதூர் அருகே வந்த டிப்பர் லாரியை மடக்கி சோதனை செய்தனர். அதில், உரிய அனுமதியின்றி கிராவல் மண் கடத்தியது கண்டுபிடிக்கப்பட்டது. இதனையடுத்து விஜயகுமார் துடியலூர் போலீசில் புகார் அளித்தார். இதனையடுத்து போலீசார் கிராவல் மண் கடத்திய டிப்பர் லாரி, 3 யூனிட் கிராவல் மண்ணை பறிமுதல் செய்தனர். மணல் கடத்தலில் ஈடுபட்ட திருப்பூர் மாவட்டம் காங்கயத்தை சேர்ந்த சாலமோன் ராஜ்(36) என்பவரை போலீசார் கைது செய்தனர். மேலும் சட்டவிரோதமாக உரிய அனுமதியின்றி மணல் கடத்தலில் ஈடுபடுபவர்கள் மீது கடும் நடவடிக்கை எடுக்கப்படும் என அதிகாரிகள் எச்சரித்துள்ளனர்.
