இராஜபாளையம்: ஆற்றில் வெள்ள பெருக்கு. குளிக்க வனத்துறை தடை...
ராஜபாளையம் அருகே சாஸ்தா கோயில் அடிவார ஆற்றில் வெள்ளப்பெருக்கு. சுற்றுலா பயணிகள் குளிக்க வனத்துறையினர் தடை.விருதுநகர் மாவட்டம், ராஜபாளையம் அருகே உள்ள சாஸ்தா கோயில் வனப்பகுதியில் திடீர் கனமழையால் ஆறு மற்றும் அருவிகளில் வெள்ளப்பெருக்கு. மேலும் இராஜபாளையம், சேத்துார், சிவகிரி, சிவகாசி, ஸ்ரீவில்லிபுத்தூர் போன்ற ஊர்களிலிருந்து சுற்றுலா பயணிகள் வந்து செல்லுகின்றனர். கடந்த சில தினங்களாக மேற்குத் தொடர்ச்சி மலைப்பகுதிகளில் திடீரென்று மழை பெய்து வருகிறது. இதனால் ஆறு மற்றும் அருவி, ஓடைகளில் வெள்ளப்பெருக்கு ஏற்படுவதால் சுற்றுலா பயணிகள் தவிர்க்குமாறும், குளிக்கவும் தடை விதித்துள்ளது வனத்துறையினர். மேலும் இந்த அறிவிப்பைத் தெரியாமல் வெளியூரிலிருந்து வரும் சுற்றுலா பயணிகள் பெரும் ஏமாற்றத்துடன் திரும்பிச் செல்லுகின்றனர்.
