இராஜபாளையம்: பெட்டி கடையில் பட்டாசுகள் விற்பனை செய்தவர் கைது.

இராஜபாளையம் அருகே பெட்டி கடையில் பட்டாசுகள் விற்பனை செய்தவர் கைது. பட்டாசுகள் பறிமுதல்.
விருதுநகர் மாவட்டம்,
இராஜபாளையம் அருகே உள்ள தொட்டிபட்டி பகுதியிலிருக்கும் அழகாபுரி என்ற இடத்தில்
தனசிங்கராஜா என்பவர் பெட்டி கடை நடத்தி வருகிறார். இந்த பெட்டி கடையில் சட்ட விரோதமாக பட்டாசுகள் விற்பனை நடைபெறுவதாக இராஜபாளையம் வடக்கு காவல் நிலையத்துக்கு தகவல் வந்தன. மேற்படி தகவலின் பேரில் சார்பு ஆய்வாளர் பாலமுருகன் தலைமையில் போலீஸார் சம்பவ இடத்திற்கு நேரில் சென்று பெட்டி கடையில் சோதனை செய்தனர். சோதனையில் சட்டவிரோதமாக, எந்த ஒரு அரசு அனுமதியில்லாமல் மேற்படி நபர் பெட்டி கடையில் வைத்து பட்டாசுகள் விற்பனை செய்தது தெரிய வந்தன. மேலும் அங்கிருந்த பட்டாசுகளை பறிமுதல் செய்த போலீஸார், அவர் மீது காவல் நிலையத்தில் வழக்கு பதிவு செய்து கைது செய்து விசாரணை நடத்தி வருகின்றனர்.