இராஜபாளையம்: பலத்த கனமழை. சாலையில் வெள்ள பெருக்கு....

இராஜபாளையம் சுற்று வட்டார பகுதிகளில் பலத்த கனமழை. சாலையில் வெள்ள பெருக்கு.
விருதுநகர் மாவட்டம், இராஜபாளையம் சுற்று வட்டார பகுதிகளில் இடி, மின்னல், பலத்த காற்றுடன் கூடிய கனமழை. சாலையில் வெள்ள பெருக்கு. தமிழகத்தின் பல்வேறு மாவட்டங்களில் கடந்த ஒரு வார காலமாக கன மழை பெய்து வருகிறது. குறிப்பாக தென் மாவட்டமான தென்காசி, திருநெல்வேலி, விருதுநகர், உள்ளிட்ட பகுதிகளில் கன மழை பெய்யுமென வானிலை மையம் அறிவித்துள்ளன. இந்நிலையில் தற்போது இராஜபாளையம் மற்றும் அதன் சுற்று வட்டார பகுதிகளில் ஒரு மணி நேரத்துக்கு மேலாக இடி, மின்னல், பலத்த காற்றுடன் கனமழை பெய்தன. மேலும் பலத்த காற்றால் ஒரு சில இடங்களில் மரம் விழுந்து போக்குவரத்து மற்றும் மின் தடை ஏற்பட்டன. மேலும் இராஜபாளையம் சுற்று வட்டார பகுதிகளில் காலை முதல் வானம் மேகமூட்டத்துடன் காணப்பட்டிருந்த நிலையில் மாலை நேரத்தில் கனமழையால் சாலையில் வெள்ள பெருக்கு ஏற்பட்டு போக்குவரத்து கடும் பாதிப்படைந்தன. தற்போது இராஜபாளையம் சுற்று வட்டார பகுதியான ஹவுசிங் போர்டு, PSK நகர், தென்றல் நகர், பாரதிநகர், முடங்கியார் ரோடு, சத்திரப்பட்டி உள்ளிட்ட பலத்த கனமழை வெளுத்து வாங்கியது. இந்த கனமழையால் சாலையில் பயணித்த வாகன ஓட்டிகள் முகப்பு விளக்குகளை ஒளிரவிட்டவாறு சாலையில் பயணித்தனர். கன மழையால் பொதுமக்களும் விவசாயிகளும் மகிழ்ச்சி அடைந்துள்ளனர்.