கிளியனுார் சோதனைச்சாவடியில் கலால் அதிகாரிகள் வாகன தணிக்கை
விழுப்புரம் கலால் உதவி ஆணையர் முருகேசன் தலைமையில் அதிகாரிகள் மதுவிலக்கு சோதனைச்சாவடிகளில் ஆய்வு மேற்கொண்டு வருகின்றனர். அந்த வகையில், புதுச்சேரி-திண்டிவனம் பைபாஸ் சாலையில் கிளியனுார் சோதனைச்சாவடியில், உதவி ஆணையர் முருகேசன் நேற்று (அக்.,16) ஆய்வு மேற்கொண்டார். அப்போது, அந்த வழியாக சாராயம், மதுபாட்டில் கடத்துபவர்களை உடனடியாக கைது செய்ய வேண்டும் என்றும், இருசக்கர வாகனங்கள், பஸ் மற்றும் வேன்களில் கண்காணித்து, மதுபாட்டில்கள் கடத்துவோர் மீது நடவடிக்கை எடுக்க வேண்டும் என கலால் போலீசாருக்கு அறிவுறுத்தினார். இந்த ஆய்வின்போது, திண்டிவனம் கோட்ட கலால் அலுவலர் கோவர்தனன், கலால் வருவாய் ஆய்வாளர்கள் சரவணன், விஜயக்குமார், சிறப்பு சப் இன்ஸ்பெக்டர்கள் விநாயகம், அய்யனார், தலைமை காவலர் அன்பரசன் ஆகியோர் உடன் இருந்தனர்.
