திருச்சி-ஆசிரியையிடம் செயின் பறித்த வாலிபர்
வையம்பட்டி அருகே ஓய்வு பெற்ற ஆசிரியையிடம் தாலி செயின் பறித்த வாலிபரை விரட்டி பிடித்து பொதுமக்கள் போலீஸிடம் ஒப்படைத்தனர். மணப்பாறை அருகே உள்ள வையம்பட்டியை சேர்ந்தவர் ஓய்வு பெற்ற ஆசிரியர் லில்லிராணி வயது 64 இவர் நேற்று காலை வீட்டு வாசலை சுத்தம் செய்து கொண்டிருந்தார். அப்போது டூவீலரில் வந்த மர்ம நபர் விலாசம் விசாரிப்பது போல் லில்லிராணி கழுத்தில் அணிந்திருந்த தாலிக்கொடியை அறுத்துள்ளான். இதனை அடுத்து அவர் சத்தம் போடவே அருகில் இருந்த பொதுமக்கள் அவனை விரட்டி பிடித்து காவல்துறையிடம் ஒப்படைத்தனர். விசாரணையில் திண்டுக்கல் மாவட்டம் கன்னிவாடி அருகே உள்ள புதுப்பட்டியைச் சேர்ந்த கண்ணன் மகன் குமார் என்பது தெரியவந்தது.
