திருவளா்ச்சிப்பட்டியில் 15 நாள்களாக வடியாத மழைநீா்
திருச்சி மாவட்டம், குண்டூா் ஊராட்சி திருவளா்ச்சிப்பட்டி கிராமத்தில் உள்ள பாவனா சிட்டி என்ற மனைப்பிரிவைச் சுற்றி சுமாா் 50 வீடுகள் உள்ளன. சில வாரங்களாக பெய்து வரும் மழையால், அங்குள்ள வீடுகளைச் சுற்றி மழைநீா் தேங்கியது. கடந்த சில நாள்களாக வீட்டை விட்டு வெளியே வர முடியாத அளவுக்கு மழைநீா் தேங்கி நிற்கிறது. சாலையில் சுமாா் ஒன்றரை அடி உயரத்துக்கு மழைநீா் தேங்கியுள்ளதால், போக்குவரத்துக்கு இடையூறாக உள்ளது. தொழிலாளா்கள் தண்ணீா் தத்தளித்தபடியே வெளியில் வேலைக்குச் சென்று வருகின்றனா். முதியோா்கள், பெண்கள், குழந்தைகளும் வீட்டை விட்டு வெளியில் வர முடியாமல் கடும் அவதிக்குள்ளாகி வருகின்றனா். தேங்கி நிற்கும் மழைநீரில் குப்பைகள் கலந்து, சுகாதாரச் சீா்கேடு நிலவுவதுடன், கொசுக்கள் உற்பத்தியாகி நோய்களுக்கு வழிவகுக்கும் இடமாக மாறி வருவதாகக் கூறப்படுகிறது.
