சேலம்: முதியவரிடம் பணம், செல்போன் பறித்த சிறுவன் உட்பட 3 பேர் கைது
சேலம் குகை பகுதியை சேர்ந்தவர் குணாளன் (வயது 74). இவர் தாதகாப்பட்டியில் உள்ள ஒரு தனியார் நிறுவனத்தில் வேலை பார்த்து வருகிறார். சம்பவத்தன்று இவர் வீட்டின் அருகே நின்று கொண்டிருந்தார். அப்போது அந்த வழியாக 2 மோட்டார் சைக்கிளில் வந்த வாலிபர்கள் முதியவரிடம் இருந்த செல்போன் மற்றும் ரூ. 2, 300 பறித்துக்கொண்டு தப்பி சென்று விட்டனர். இது குறித்து குணாளன் செவ்வாய்பேட்டை போலீசில் புகார் கொடுத்தார். அதன்பேரில் போலீசார் வழக்குப்பதிவு செய்து விசாரணை நடத்தினர். அப்போது அதே பகுதியை சேர்ந்த அசார் (19), கோகுல்ராஜ் (21), மற்றும் 16 வயதுடைய சிறுவன் உள்பட 3 பேர் முதியவரிடம் செல்போன், பணம் ஆகியவற்றை பறித்து சென்றது தெரியவந்தது. இதையடுத்து அவர்கள் 3 பேரையும் போலீசார் கைது செய்தனர். தலைமறைவாக உள்ள மேலும் 2 பேரை தேடி வருகின்றனர்.
