பென்னாகரம்: வெள்ளி கொலுசு தருவதாக கூறி மோசடி 3 பேர் கைது
இண்டூர் அருகே உள்ள பூட்டுக்காரன் தோப்பு பகுதியை சேர்ந்தவர் சங்கர் கடந்த சில நாட்களுக்கு முன்பு காரில் வந்த 3 பேர் கியாஸ் அடுப்பு விற்பனை செய்வதாகவும் 5, 500 ரூபாய் கொடுத்து ஒரு அடுப்பு வாங்கினால் வெள்ளி கொலுசு இலவசம் என்று கூறியுள்ளனர். இவர்களிடம் பணம் கொடுத்து சங்கர் கியாஸ் அடுப்பு வாங்கினார். அதற்கு இலவசமாக வெள்ளி கொலுசை காரில் வந்த நபர்கள் கொடுத்தனர். இதனால் சந்தேகம் அடைந்த சங்கர் நகைக் கடையில் கொடுத்து கொலுசை சோதித்தார். அப்போது அது கவரிங் என தெரியவந்தது. இந்த மோசடியில் ஈடுபட்ட நபர்களை அவர் தேடி வந்தார். நேற்று அந்த நபர்கள் 3 பேரும் நாகலாபுரம் பகுதியில் கியாஸ் ஸ்டவ் விற்பனைபனை செய்தது செய்தது தெரிய வந்தது. இதுகுறித்து சங்கர் நேற்று (நவ.,22) அளித்த புகாரின் பேரில் இண்டூர் காவலர்கள் இன்று அந்த நபர்களை பிடித்து விசாரணை நடத்தினர். இவர்கள் சேலம் சீலநாய்க்கன்பட்டி பகுதியைச் சேர்ந்த கார்த்திக், பிரசன்னா, ரஞ்சித் குமார், ஆகியோர் என தெரியவந்தது. இதையடுத்து அவர்களை காவலர்கள் கைது செய்தனர்.
