தர்மபுரி: மின் கசிவு காரணமாக தீ பற்றி எரிந்த குடிசை வீடு
தர்மபுரி மாவட்டம் பாப்பிரெட்டிப்பட்டி சட்டமன்ற தொகுதிக்குட்பட்ட அஜ்ஜம்பட்டி கிராமத்தில் இன்று நவம்பர் 4 காலை ராமசாமி என்பவருக்கு சொந்தமான குடிசை வீடு மின் கசிவு காரணமாக தீ பற்றியது. இது குறித்து உடனடியாக பாப்பிரெட்டிப்பட்டி தீயணைப்பு துறைக்கு தகவல் தெரிவிக்கப்பட்டு விரைந்து வந்த தீயணைப்பு துறை பணியாளர்கள் குழாய்கள் வழியாக தண்ணீரை பீச்சி அடித்து தீ பரவாமல் முழுவதுமாக அணைத்தனர். இதனால் பெருத்த அசம்பாவிதம் தவிர்க்கப்பட்டது. விரைந்து செயல்பட்ட தீயணைப்புத்துறை வீரர்களுக்கு சுற்றுவட்டார பகுதி பொதுமக்கள் நன்றிகளை தெரிவித்தனர்.
