தர்மபுரி: கிணற்றில் தவறி விழுந்த இளைஞர் உயிரிழப்பு
தர்மபுரி அருகே குப்பூர் பெரிய குரும்பட்டி கிராமத்தைச் சேர்ந்த கோகுல் என்பவர் நேற்று மாலை அந்த பகுதியில் உள்ள 85 அடி ஆழ கிணற்றில் தவறி விழுந்து தண்ணீரில் மூழ்கி விட்டதாக தகவல் அறிந்தாக தர்மபுரி தீயணைப்பு மீட்பு படையினர் நிலைய அலுவலர் சந்தோசம் தலைமையில் சம்பவ இடத்திற்கு சென்று மீட்பு பணியில் ஈடுபட்டனர். அப்போது கோகுல் நீரில் மூழ்கி உயிரிழந்திருப்பது தெரியவந்தது. அவருடைய உடலை கயிறு கட்டி இழுத்து மீட்ட தீயணைப்பு படையினர் நகர காவல் நிலைய காவலர்களிடம் ஒப்படைத்தனர். அவர் கிணற்றில் தவறி விழுந்தாரா.? அல்லது வேறு ஏதேனும் காரணம் உண்டா என்பது குறித்து தர்மபுரி நகர காவலர்கள் விசாரணை நடத்தி வருகிறார்கள்.
