ஆம்னி பஸ் கவிழ்ந்து விபத்து; டிரைவர் உட்பட 7 பேர் காயம்
திண்டிவனம் அருகே ஆம்னி பஸ் சாலையோரம் கவிழ்ந்து விபத்துக்குள்ளானதில் டிரைவர் உட்பட 7 பேர் காயமடைந்தனர். சென்னையிலிருந்து மார்த்தாண்டம் நோக்கி ஆம்னி பஸ் நேற்று முன்தினம் இரவு சென்று கொண்டிருந்தது. பஸ்சை சென்னை, மறைமலை நகரைச் சேர்ந்த வேதசெல்வம், 56; ஓட்டினார். நேற்று (செப்.2) அதிகாலை சாரம் லாரி பார்க்கிங் பகுதியில் நிலை தடுமாறி சாலையோரத்தில் கவிழ்ந்து விபத்துக்குள்ளானது. இந்த விபத்தில் டிரைவர் வேதசெல்வம் மற்றும் பயணிகள் உட்பட 7 காயமடைந்தனர். விபத்தில் சிக்கிய ஆம்னி பஸ், கிரேன் மூலம் அப்புறப்படுத்தப்பட்டது. ஒலக்கூர் போலீசார் விசாரணை நடத்தி வருகின்றனர்.
