நடிகை கஸ்தூரிக்கு ஆ. ராசா எம். பி கண்டனம்
ஒடுக்கப்பட்ட சமுகத்தினரை குற்றப்பரம்பரையாக சித்தரிப்பதா? என எம்பி ராசா கேள்வி எழுப்பியுள்ளார். மேலும் தெலுங்கர்களை மட்டுமல்லாமல் பெண்களையே கஸ்தூரி கேவலப்படுத்தி பேசியிருக்கிறார் என ஆ. ராசா எம்பி கடும் கண்டனம் தெரிவித்துள்ளார். இதுகுறித்து அவர் வெளியிட்டுள்ள அறிக்கையில், பிராமணர் அல்லாதார் பதவிகளுக்கு வந்தால் லஞ்சம் வாங்குவார்கள்” எனச் சொல்லி ஒடுக்கப்பட்ட சமூகத்தினரை மிக மோசமாக இழிவுபடுத்தியிருக்கிறார் முன்னாள் நடிகை கஸ்தூரி. டிவி விவாத நிகழ்ச்சியில் பங்கேற்றுப் பேசிய நடிகை கஸ்தூரி, “திறமை அடிப்படையில் பிராமணர் அல்லாதார் பதவிகளுக்கு வந்ததால் லஞ்சம் வாங்குகின்றனர்” என்று பேசி பிற்படுத்தப்பட்ட, மிகவும் பிற்படுத்தப்பட்ட, பட்டியல் சமூகத்தினர் என ஒடுக்கப்பட்ட சமூகத்தினர் அனைவரையும் மிக மோசமானவர்களாகச் சித்தரிக்க முயன்றிருக்கிறார். பிராமணர் சமூகம் உயர்வானது என நிலைநிறுத்த, ஒடுக்கப்பட்ட சமூகத்தினரைக் 'குற்றப்பரம்பரை' வர்ணம் அடித்திருக்கிறார். தெலுங்கர்களை மட்டுமல்ல. பெண்களையே கஸ்தூரி கேவலப்படுத்தியிருக்கிறார் என தெரிவித்துள்ளார்.
