திருச்சியில் மணல் திருட்டில் ஈடுபட்ட 2 பேர் கைது
திருச்சி ஸ்ரீரங்கம் பகுதியில் போலீசார் நேற்று ரோந்து பணியில் ஈடுபட்டனர். அப்போது ஸ்ரீரங்கம் குமரன் தெரு, செங்கல் சூளை அருகே இரண்டு வாலிபர்கள் அனுமதி இன்றி மூன்று மூட்டைகளில் மணல் திருடிச் சென்றது தெரிய வந்தது. இதுகுறித்து போலீசார் விசாரணையில் திருவானைக்காவில் கொண்டயம்பேட்டை பகுதியை சேர்ந்த சேதுபதி திம்மராஜ சமுத்திரம் பகுதி சேர்ந்த ரமேஷ் ஆகிய இருவரையும் கைது செய்து அவர்களிடம் இருந்து மூன்று மணல் மூட்டைகள் மற்றும் மணல் கடத்த பயன்படுத்திய டூவீலரை பறிமுதல் செய்தனர்.
