சிவகாசி: தீபாவளியை முன்னிட்டு சிவன் ஆலயத்தில் சிறப்பு பூஜை...
விருதுநகர் மாவட்டம், சிவகாசியில் இந்து சமய அறநிலையத்துறைக்கு சொந்தமான, பிரசித்தி பெற்ற சிவன் கோவிலில் தீபாவளி பண்டிகையை முன்னிட்டு சிறப்பு பூஜைகள் நடைபெற்று வருகின்றன. முன்னதாக இன்று அதிகாலையில் ஸ்ரீவிஸ்வநாதர் சுவாமிக்கும் -ஸ்ரீவிசாலாட்சி அம்மனுக்கும் சிறப்பு அபிஷேகங்கள் நடைபெற்றன. அதனை தொடர்ந்து சுவாமிகள் சிறப்பு அலங்காரத்தில் எழுந்தருளினர். ஸ்ரீவிஸ்வநாதர் சுவாமிக்கு சிறப்பு பூஜைகள், அர்ச்சனைகள் நடைபெற்றன. மேலும், கோவில் வளாகத்தில் உள்ள நாயன்மார்கள் சன்னதியில் நாயன்மார்களுக்கு சிறப்பு பூஜைகள் நடைபெற்றன. தீபாவளி பண்டிகையை முன்னிட்டு ஏராளமான பக்தர்கள் சுவாமி தரிசனம் செய்து வருகின்றனர்.
