சிவகாசி: தேவர் ஜெயந்தி விழா. முன்னாள் அைமச்சர் பங்கேற்பு..

சிவகாசியில் பசும்பொன் முத்துராமலிங்க தேவர் குருபூஜை விழா. முன்னாள் அமைச்சர், மாலை அணிவித்து மரியாதை.
விருதுநகர் மாவட்டம், சிவகாசியில், சுதந்திர போராட்ட வீரர் பசும்பொன் முத்துராமலிங்க தேவர் குருபூஜை விழா நிகழ்ச்சிகள் சிறப்பாக நடைபெற்று வருகிறது. விருதுநகர் மேற்கு மாவட்ட அதிமுக கட்சி சார்பில் மாவட்ட செயலாளரும், முன்னாள் அமைச்சருமான கே. டி. ராஜேந்திரபாலாஜி தலைமையில், திருத்தங்கல், பகுதியில் உள்ள பசும்பொன் முத்துராமலிங்க தேவர் உருவ சிலைக்கு, மாலை அணிவித்து மரியாதை செய்தார். மேலும், சிவகாசி மற்றும் ரிசர்வ்லைன் பகுதியில் உள்ள பசும்பொன் முத்துராமலிங்க தேவர் உருவசிலைக்கு, முன்னாள் அமைச்சர் கே. டி. ராஜேந்திரபாலாஜி மாலை அணிவித்து மரியாதை செலுத்தினார். பின்னர் அனைவருக்கும் இனிப்புகள், பட்டாசுகள் வழங்கினார். மேலும் நிகழ்ச்சியில் அதிமுக கட்சி நிர்வாகிகள் மற்றும் பொது மக்கள் பலர் கலந்து கொண்டனர்.