மலைபோல் கிடக்கும் இறைச்சிகள்.. துர்நாற்றத்தால் மக்கள் அவதி

மதுரை வைகை ஆற்றை ஒட்டிய நெல்பேட்டை பகுதிகளில் ஆடு, மாடு இறைச்சி கடைகள் உள்ளன. அங்கிருக்கும் கழிவுகளை வைகை ஆற்று கரையோரம் கொட்டப்பட்டு வருவதாக தெரிகிறது. இறைச்சி கழிவுகள் மலைபோல் குவிந்துகிடப்பதால் மழைநீர் இறைச்சிகழிவுகளோடு சேர்ந்து குடல்கள், எலும்புகள், சேர்ந்து முகம் சுளிக்க வைக்கும் துர்நாற்றம் வீசுவதாக கூறப்படுகிறது. மாநகராட்சி அதிகாரிகள் உரிய நடவடிக்கை மேற்கொண்டு, இறைச்சி கழிவுகளை அகற்ற நடவடிக்கை எடுக்க மக்கள் கோரிக்கை விடுத்துள்ளனர்.