வேலூர்: மின்னல் தாக்கி பட்டதாரி இளைஞர் உயிரிழப்பு.. சோகத்தில் கிராமம்
வாணியம்பாடி அருகே மின்னல் தாக்கி பட்டதாரி இளைஞர் உயிரிழந்த சம்பவம் பெரும் சோகத்தை ஏற்படுத்தியுள்ளது. திருப்பத்தூர் மாவட்டம் வாணியம்பாடி அடுத்த மேல்குப்பம் சாமுடி வட்டம் பகுதியைச் சேர்ந்தவர் தட்சிணாமூர்த்தி இவரது மகன் மகாலிங்கம் (28). பட்டதாரியான இவர் தன் தாய் தந்தைக்கு உதவியாக விவசாயம் செய்து கொண்டும் கோழி பண்ணையை பராமரித்து வந்துள்ளார். இந்த நிலையில் திடீரென மழை பெய்துள்ளது. அப்போது மழைக்காக கோழி பண்ணை அருகே உள்ள ஒரு மரத்தடியில் நின்றிருந்தார். அப்போது திடீரென மின்னல் தாக்கியதில் அங்கேயே மயங்கி விழுந்தார். உடனடியாக அவரது பெற்றோர் அந்த இளைஞரை சிகிச்சைக்காக வாணியம்பாடி அரசு மருத்துவமனைக்கு கொண்டு வந்தனர். அங்கு அவரை பரிசோதனை செய்த மருத்துவர்கள் அவர் ஏற்கனவே இறந்துவிட்டதாக தெரிவித்தனர். தகவல் அறிந்த சம்பவ இடத்திற்கு வாணியம்பாடி கிராமிய போலீசார் விரைந்து சென்று சடலத்தை கைப்பற்றி பிரேத பரிசோதனைக்காக அனுப்பி வைத்தனர். சம்பவம் குறித்து போலீஸார் வழக்கு பதிவு செய்து விசாரணை மேற்கொண்டு வருகின்றனர். மின்னல் தாக்கியதில் பட்டதாரி இளைஞர் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.
