திருவண்ணாமலை - Tiruvannamalai

திருவண்ணாமலை மாவட்டம், செங்கம் செய்யாறு கரையில் லாரி ஓட்டுநர் ஹரிஷ் கூலி வேலை செய்து வருகிறார். இவரை வேலூர் மாவட்டம் அணைக்கட்டு அடுத்த பெரிய உனை கிராமத்தைச் சேர்ந்த லாரி உரிமையாளர்கள் மேகநாதன் மற்றும் புலிவேந்தர் ஆகிய இருவரும் அடித்து கொலை செய்து குழி தோண்டி புதைத்தனர். இது குறித்து அரசின் தந்தை அளித்த புகாரின் பேரில் போலீசார் விசாரணை நடத்தியதில் இருவரும் கொலை செய்ததை ஒப்புக்கொண்டு சடலம் புதைக்கப்பட்ட இடத்தை அடையாளம் காட்டியதை தொடர்ந்து, தாசில்தார் முருகன் மற்றும் இன்ஸ்பெக்டர் செல்வராஜ் முன்னிலையில் நேற்று சடலத்தை தோண்டி எடுத்து மருத்துவக்குழுவினர் பிரேத பரிசோதனை செய்தனர். பின்னர், ஹரிஷ் சடலம் உறவினர்களிடம் ஒப்படைக்கப்பட்டது. தொடர்ந்து, கூலித்தொழிலாளியை அடித்துக்கொலை செய்து சடலத்தை புதைத்த விஜயகுமார், அவரது மைத்துனன் மேகநாதன் ஆகியோர் மீது போலீசார் 4 பிரிவுகளின் கீழ் வழக்கு பதிவு செய்தனர். இருவரையும் கைது செய்து நீதிமன்றத்தில் ஆஜர்படுத்தி வேலூர் மத்திய சிறையில் அடைத்தனர்