திருச்செந்தூரில் ஆண் சடலம் மீட்பு; போலீசார் விசாரணை
திருச்செந்தூரில் வெவ்வேறு பகுதியில் கிடந்த ஆண், சடலத்தை மீட்டு போலீசார் விசாரணை நடத்தி வருகின்றனர். தூத்துக்குடி மாவட்டம், திருச்செந்தூர் கோவில் வளாகத்தில் ஒரு ஆண் சடலம் கிடைப்பதாக கோவில் காவல் நிலையத்திற்கு தகவல் கிடைத்தது. இதையடுத்து இன்ஸ்பெக்டர் கனகராஜ் மற்றும் போலீசார் சம்பவ இடத்திற்கு சென்று அந்த உடலை கைப்பற்றி பரிசோதனைக்கு அனுப்பி வைத்தார். இறந்து கிடந்தவருக்கு சுமார் 45 வயது இருக்கும். நீல நிற சட்டை, வெள்ளை வேட்டி அணிந்திருந்தார். அவர் யார், எந்த ஊரை சேர்ந்தவர், எப்படி இறந்தார் என்பது குறித்து கீழ திருச்செந்தூர் கிராம நிர்வாக அதிகாரி சரவணகுமார் கொடுத்த புகாரின் பேரில், போலீசார் வழக்கு பதிவு செய்து விசாரணை நடத்தி வருகிறார்கள்.
