தூத்துக்குடி: புதியம்புத்தூரில் ஜவுளி விற்பனை வளாகம்: இயக்குநர் ஆலோசனை
தூத்துக்குடி மாவட்ட ஆட்சியர் அலுவலகக் கூட்ட அரங்கில் இன்று (08. 11. 2024) துணிநூல் துறை சார்பில், புதியம்புத்தூர் பகுதியில் ஜவுளி விற்பனை வளாகம் அமைப்பது தொடர்பாக சம்பந்தப்பட்ட துறை அலுவலர்களுடனான ஆலோசனைக் கூட்டம் மாவட்ட ஆட்சியர் இளம்பகவத் முன்னிலையில், துணிநூல் இயக்குநர் இரா. லலிதா தலைமையில் நடைபெற்றது. இக்கூட்டத்தில் துணிநூல் இயக்குநர் இரா. லலிதா தெரிவித்ததாவது: இந்திய பொருளாதாரத்ததில் ஜவுளித் தொழில் ஒரு உன்னதமான இடத்தினை பிடித்துள்ளது. விவசாயத்திற்கு அடித்தபடியாக கிராமப்புற மக்களுக்கு பெரிய அளவிலான வேலைவாய்ப்பினை வழங்குவதில் ஜவுளித் துறைக்கு மிகப்பெரிய பங்கு உள்ளது. நாட்டின் மொத்த ஜவுளி உற்பத்தில் தமிழ்நாட்டின் பங்கு மிக முக்கியமானதாகும். தமிழ்நாடு அரசு ஜவுளித் துறையின் வளர்ச்சிக்காக பல்வேறு திட்டங்களை செயல்படுத்தி வருகிறது. உங்கள் தொகுதியில் முதலமைச்சர் திட்டத்தின் கீழ் ஓட்டப்பிடாரம் சட்டமன்ற உறுப்பினர், தூத்துக்குடி மாவட்டம் புதியம்புத்தூர் பகுதியில் ஜவுளி விற்பனை வளாகம் அமைப்பது தொடர்பாக கோரிக்கை விடுத்துள்ளார். அதன்படி இத்திட்டத்தினை செயல்படுத்துவது தொடர்பாக இந்த ஆலோசனைக் கூட்டம் நடைபெறுகிறது. அரசு நிலங்கள் தவிர்த்து, தனியாரிடமிருந்து நிலத்தினை கொள்முதல் செய்து ஜவுளி விற்பனை வளாகம் அமைப்பதற்கு சாத்தியக் கூறுகள் குறித்து சங்க நிர்வாகிகளிடம் கேட்டறிந்தார்.
