தூத்துக்குடி: ஆண் சடலம் மீட்பு: போலீஸ் விசாரணை
வல்லநாடு அருகே காட்டுப்பகுதியில் கிடந்த ஆண் சடலத்தை மீட்டு போலீசார் விசாரணை நடத்தி வருகின்றனர். தூத்துக்குடி மாவட்டம், வல்லநாடு அருகே உள்ள மணக்கரை காட்டுப் பகுதியில் ஒரு ஆண் சடலம் கிடப்பதாக கிடைத்த தகவலின் பேரில், முறப்பநாடு காவல் நிலைய இன்ஸ்பெக்டர் ரமேஷ் மோகன் மற்றும் போலீசார் சம்பவ இடத்திற்கு சென்று உடலை மீட்டு பரிசோதனைக்காக அரசு மருத்துவமனைக்கு அனுப்பி வைத்தனர். இறந்து கிடந்தவருக்கு சுமார் 55 வயது இருக்கும். நீல நிற லுங்கி, அணிந்திருந்தார். இறந்து இரண்டு நாட்கள் இருக்கும். அவர் யார் எந்த ஊரை சேர்ந்தவர். எப்படி இறந்தார் என்பது தெரியவில்லை. இது குறித்து மணக்கரை விஏஓ சக்தி விக்னேஷ் கொடுத்த புகாரின் பேரில் முறப்பநாடு போலீசார் வழக்கு பதிவு செய்து விசாரணை நடத்தி வருகிறார்கள்.
