வீட்டில் சாராயம் காய்ச்சிய நபர் சிறையில் அடைப்பு
திருத்துறைப்பூண்டி பகுதியில் சட்ட விரோதமாக வீட்டில் மதுபான தயாரிப்பில் ஈடுபட்ட -திருத்துறைப்பூண்டி, கொற்கை, செவிக்காடு பகுதியை சேர்ந்த கோவிந்தராசு மகன் பரமசிவம் (வயது-51) என்பவர் கைது செய்யப்பட்டு சிறையில் அடைக்கப்பட்டிருந்தார். மேற்படி இவர் தொடர்ந்து சட்ட விரோத செயல்களில் ஈடுபட்டு வந்ததால் இவர் மீது குண்டர் தடுப்பு சட்டத்தின் கீழ் நடவடிக்கை மேற்கொள்ள மாவட்ட காவல் கண்காணிப்பாளர் திரு. S. ஜெயக்குமார் பரிந்துரை செய்ததின் பேரில், திருவாரூர் மாவட்ட ஆட்சியர் சாரு ஸ்ரீ அவர்கள் உத்தரவின் படி இன்று (04. 10. 2024) குண்டர் தடுப்பு சட்டத்தின் கீழ் திருச்சி மத்திய சிறையில் அடைக்கப்பட்டனர். பொதுமக்களை அச்சுறுத்தம் வகையில் ரௌடிசத்தில் ஈடுபடும் நபர்கள், பெண்கள், குழந்தைகளுக்கு எதிரான குற்றங்கள், கஞ்சா, தடை செய்யப்பட்ட புகையிலை பொருட்கள் விற்பனை, மது குற்றங்களில் ஈடுபடுவோர் மீது குண்டர் தடுப்பு சட்டத்தின் கீழ் கைது நடவடிக்கை மேற்கொள்ளப்படும் என மாவட்ட காவல் கண்காணிப்பாளர் S. ஜெயக்குமார், அவர்கள் கடுமையாக எச்சரித்துள்ளார்.
