பேராவூரணியில் விளையாட்டு உபகரணம், ரூ. 4. 98 கோடி கடன் வழங்கல்
பேராவூரணி ஊராட்சி ஒன்றிய அலுவலகத்தில் விளையாட்டு உபகரணங்கள் வழங்கும் திட்டம், மகளிர் சுய உதவிக் குழுக்களுக்கு வங்கிக் கடன் இணைப்புகள் வழங்கும் விழா நடந்தது. ஒன்றியக்குழு தலைவர் சசிகலா தலைமை வகித்தார். எம். பி. முரசொலி, எம். எல். ஏ அசோக் குமார் ஆகியோர் பேராவூரணி ஊராட்சி ஒன்றியத்துக்குட்பட்ட 26 ஊராட்சிகளுக்கு ரூ. 16 லட்சம் மதிப்பிலான விளையாட்டு உபகரணங்களை வழங்கினர். மேலும் 30 மகளிர் சுய உதவிக் குழுக்களுக்கு ரூ. 4 கோடியே 98 லட்சம் வங்கிக் கடன் இணைப்பு வழங்கப்பட்டது. சேதுபாவாசத்திரம் ஒன்றியக்குழு தலைவர் முத்துமாணிக்கம், திமுக ஒன்றியச் செயலர்கள் அன்பழகன், இளங்கோவன், ஒன்றியக்குழு துணைத் தலைவர் ஆல்பர்ட்குணாநிதி, மாவட்ட ஊராட்சி உறுப்பினர்கள் இலக்கியா, மூர்த்தி, மாவட்ட அவைத்தலைவர் சுபசேகர், தலைமை பொதுக்குழு உறுப்பினர்கள் அப்துல்மஜீத், தனபால், நகரச் செயலர் சேகர் மற்றும் பலர் கலந்து கொண்டனர். பி. டி. ஓ சாமிநாதன் வரவேற்றார், துணை பி. டி. ஓ மனோகரன் நன்றி கூறினார். விழாவில் மாவட்ட ஆட்சியர் விருது உள்ளிட்ட ஐந்து விருதுகள் பெற்ற காலகம் ஊராட்சி மன்ற தலைவர் செந்தில்குமார் சிலம்பப் போட்டியில் சாதனை படைத்த அரசுப் பள்ளி மாணவர் துர்வன் ஆகியோர் பாராட்டப்பட்டனர்.
