தஞ்சாவூரில் அக். 25-இல் ஓய்வூதியர் குறைதீர் கூட்டம்
தஞ்சாவூர் மாவட்ட ஆட்சியரகத்தில் ஓய்வூதியர் குறை தீர் நாள் கூட்டம் அக்டோபர் 25 ஆம் தேதி நடைபெறவுள்ளது. இது குறித்து மாவட்ட ஆட்சியர் வெளியிட்டுள்ள செய்திக்குறிப்பு: தஞ்சாவூர் மாவட்ட ஆட்சியரகத்தில் அக்டோபர் 25 ஆம் தேதி மாவட்ட ஆட்சியர் தலைமையில் நடைபெறும் ஓய்வூதியர் குறை தீர் நாள் கூட்டத்தில் சென்னை ஓய்வூதிய இயக்குநர் கலந்து கொள்கிறார். இதில், தஞ்சாவூர் மாவட்டத்திலுள்ள அரசு அலுவலகங்களில் பணியாற்றி ஓய்வு பெற்ற ஓய்வூதியர்கள் தங்களின் ஓய்வூதியம் தொடர்பான குறைகளையும், ஆலோசனைகளையும் தெரிவித்து தொடர்புடைய துறை அலுவலர்களிடம் விவரங்களைப் பெறலாம். இக்கூட்டத்தில் விவாதிக்க ஏதுவாக தீர்வு செய்யப்படாத குறைகளைத் தெரிவிக்க விரும்பும் ஓய்வூதியர்கள் கடைசியாக பணிபுரிந்த அலுவலகத்தின் பெயர், பதவி ஓய்வு பெற்ற நாள் கோரிக்கை விபரம், கைப்பேசி எண் கோரிக்கை தொடர்புடைய அலுவலகத்தின் முகவரியைத் தெளிவாகக் குறிப்பிட்டு அக்டோபர் 22ஆம் தேதிக்குள் மாவட்ட ஆட்சியாகத்துக்கு தவறாமல் 2 பிரதிகளில் விண்ணப்பங்களை அனுப்பி வைக்கும்படி கேட்டுக் கொள்ளப்படுகிறது.
